--Ads--
Inkapilitan a kinalap dagiti Malaga fish raisers idiay Buguey town, Cagayan Province dagiti rinnibu a kilo ti premature nga stockda iti ikkan a Malaga.
Dagus a kinalapda dagiti nasao nga ikan gapu iti napitak a danum nga intunda ti southwest monsoon ken Severe Tropical Storm Crising, posible a mangpapatay kadagiti Malaga Fish.
Sigun kenni Buguey Mayor Licerio Antiporda III, ti “forced harvest” ket naisayangkat tapno mapabassit ti pannakalogi dagiti fish raisers iti nasao a lugar.
Mailaklako ti Malaga fish iti P200 agingga P250 tunggal kilo, nababbaba no idilig iti P350 agingga P500 a kilo kadagiti dadakkel Malaga fish.
Innayon ni Antiporda a panggepda a gatangen ti Malaga Fish iti P200 tunggal kilo manipud kadagiti mannalon.
