--Ads--
Temporario nga inserra ti gobierno ti Russia dagiti Airport dagitoy kalpasan iti agsasaruno a panangraut ti Ukraine babaen ti drone.
Dumanon iti 230 a drone manipud Ukraine ti intinnagda sadiay Russia sipud idi Sabado, July 19, 2025 agraman ti 27 a drones iti Capital daytoy.
Gapu iti nasao nga insidente, nakanselar ti 140 a flight.
Sigun iti Association of Tour Operators (Ator) ti Russia, namin-sangapulo a daras a naiserra dagiti Airport ti Moscow iti las-ud laeng ti 24 nga oras gapu kadagiti strike.
Maipalagip a saan a daytoy ti umuna a gundaway a naiserra dagiti Airport sadiay Russia kalpasan ti panangraut ti Ukraine babaen iti drone.
Napasamak metlaeng daytoy idi Mayo, a nangitunda iti stranded kadagiti nasurok nga 60,000 a pasahero.
