Inyunay-unay ni Philippine National Police (PNP) Chief Gen. Nicolas Torre III a palso ti impormasion a kasapulan nga agbuya dagiti police personnel iti charity boxing match daytoy kontra kenni acting Davao City Mayor Sebastian “Baste” Duterte.
Sigun kenni Torre, palso nga impormasion ti impablaak ni retired Brigadier General Filmore Escobal a ladawan iti social media account daytoy.
Maibasar iti social media post ni Escobal, kinunana a mandatory a dumar-ay dagiti pulis iti nasao a Charity boxing.
Damdamagenna pay no mandatory metlaeng ti mangipaay iti donasion.
Nupay kasta, impeksa ni Torre a saan nga obligasion dagiti pulis a dumar-ay iti charity boxing match agsipudta, kimmurang metlaeng ti ticket a nailako dagitoy.
Naangay ti boxing match idi July 26 iti Rizal Memorial Coliseum sadiay Malate, Manila.
Nupay kasta, saan a nagpakita ni acting Davao City Mayor Duterte.
