--Ads--
Panggep ti nanang ni Manny Pacquiao a ni Dionisia Pacquiao nga agkallaysada iti long-time boyfriend na a ni Michael Yamson.
Iti maysa a vlog, nadamag ni Michael nu adda ti panggepda nga agkallaysa kenni Dionisia.
“Yes, oo naman,” sungbat ni Michael.
“May plano kami. Mayroon na ring wedding ring,” kinuna met ni Dionisia.
Inlukat ti agnobio ti relasionda ken sinungbatanda dagiti kritiko gapu iti age gap dagitoy a 26-years.
Sigun kenni Michael, “below the belt” dagiti maaw-awatna ngem saanna nga ikankano dagitoy.
Inkarina met kenni Dionisia nga ayatenna, taripatuenna, ken awatenna ti ugali ni Dionisia iti tunggal aldaw.
Insungbat met ni Dionisia a ti panagkaduada ket tungpal biag ken kinunana a kontento daytoy iti panangtaripatuna kenkuana.
