Nakemmeg ti maysa a nanang iti maysa nga ospital sadiay Tanauan, Batangas kalpasan a ginandatna nga ilako ti anakna a two-week-old infant iti online iti P45K.
Malaksid iti dayta, naispal metlaeng ti anak daytoy nga agtawen iti maysa.
Sigun kenni Philippine National Police’s Women and Children Protection Center (PNP-WCPC) public information officer Police Major Shari Vanessa Deseo ti ilaklakona ti nasao a two-weeks-old a baby boy ngem naimatangan a narisgo ti kasasaad ti anak metlaeng daytoy nga ubing rason nga inispalda daytoy.
Nakemmeg ti nasao a nanang bayat ti entrapment operation no sadino sadino nagbayat ti undercover agent iti P25,000 para iti hospital bills ken P20,000 para iti panang-adaptar iti nasao a maladaga.
Inlawlawag met daytoy nga awan ti pagpilianna no saan nga ilako ti nasao a maladaga agsipud ta awan ti pagbayad dagitoy iti bill-da iti ospital.
Kagiddan dayta, nagballaag ti Philippine National Police’s Women and Children Protection Center (PNP-WCPC) iti publiko kontra iti panangilako kadagiti maladaga iti online.
