Naituding a mangrugi ti imbestigasyon ti senado kadagiti anomalya dagiti flood control projects, babaen iti Blue Ribbon Committee inton martes, Agosto 19, 2025.
Inwaragawag daytoy ni Blue Ribbon panel chairman Senator Rodante Marcoleta, no sadino inaklonna a ti inquiry ket narigat a trabaho nangruna ket adda dagiti multi-billion projects iti daytoy.
Impettengna metlaeng a saan laeng nga agpokus ti imbestigasyon kadagiti contractors ngem possible metlaeng a maimbestigaran dagiti public officials a mapapati a nagnumar kadagiti nasao a proyekto.
Impaganetgetna pay dagiti napasaran dagiti umili bayat ti napigsa a panagbayakabak ti tudo gapu kadagiti substandard projects.
Immunan metlaeng nga imbutaktak ni President Ferdinand ”Bongbong” Marcos Jr. ti 20% iti pakabuklan iti P545 billion budget ti flood control projects ket inala laeng dagiti 15 a contractors.
