--Ads--
Isayangkat ti Department of Labor and Employment (DOLE) ti nationwide job fairs intun Martes, Agosto 19 iti agdama a tawen.
Maisayangkat daytoy iti sumagmamano a lokasion iti National Capital Region, Cagayan Valley, Bicol Region, Central Visayas ken Dumaguete City, Negros Oriental.
Kabayatanna, impakaammo ti Philippine Statistics Authority (PSA) a bimmaba ti unemployment rate iti pagilian iti 3.7% idi Hunio manipud 3.9% idi Mayo.
Mangipatarus daytoy a bimmaba iti 1.95 million dagiti awanan panggedan a Pilipino manipud iti 2.03 million idi Mayo.
Maipalagip a kas sungbat iti June 2025 Labor Force Survey, kinuna ti DOLE nga agtultuloy ti panangpatibkerda iti youth and adult employability programs para kadagiti Pilipino nga awanan iti trabaho.
