Ginasgasut a kanayonan a National Guard Troops manipud iti innem a Republican-led states ti naipatulod idiay Washington DC tapno masuportaran ti extraordinary nga addang ni US President Donald Trump a punoen ti soldado ken federal agents iti siudad nga idadauloan dagiti democrats.
Karaman kadagiti nangipatulod iti tropada ti Mississippi, Louisiana, Tennessee, West Virginia, South Carolina ken Ohio a dumanon iti nasurok 1,100 a soldado a naideploy.
Impetteng ni US President Trump a kumarkaro ti krimen ken pannakapukaw ti pagtaengan idiay Washington banag a pinaglibakan met dagiti local officials nu sadino kinunada a bimmaba ti crime rate iti lugarda.
Maipalagip nga idi Agosto 11 ket inwaragawag ni Trump a nangipatulod daytoy iti walo gasut a guard troops.
Binabbalaw met dagiti kritiko ni Trump ken kinunada nga agar aramid daytoy iti “fake emergency” tapno laeng papigsaenna ti bilegna idiay Washington ken puntiryaenna dagiti democratic-led cities.
Iti umuna a sangapulo ket dua nga aldaw nga operasyon, dumanon iti 465 dagiti natiliw ken sumagmamano a homeless encampments ti nadalusan manipud iti federal land.//Cara
