Impeksa dagiti biktima iti drug war ti panakadismayada iti panakaitantan ti panagdengngeg ni sigud a president Rodrigo Duterte idiay International Criminal Court (ICC).
Iti statement iti National Union of People’s Lawyers, saanen a paallilaw dagitoy iti inawaganda a calculated ploy wenno tignay ni Duterte tapno agparang a daytoy ti agrabyado wenno nakakaasi.
Innayon ti grupo a nu agsaksakit ti sigud a presidente ken saanna a kabaelan ti umatendar iti confirmation of charges hearing ket mabalinna latta nga ibaon ti abogadona a mangibagi kenkuana maitunos metlaeng iti ICC Rules of Procedure and Evidence.
Sigun pay iti nasao a grupo, nakasagana metten ti prosecution ken dagiti biktima para iti nasao a panagdengngeg rason a kidkiddawneda a dagus a marugyanen daytoy para iti tartarigagayan dagiti biktima nga hustisya.
Gapu iti dayta,kinuna ti grupo a makikoordinar dagiti abogadoda iti Office of the Public Counsel For Victims para iti panakaipatungpal ti hearing iti kabiitan a panawen.
