Imbilin ni South Korea President Lee Jae-myung a masuspinder ti financial support nga ipapaayda iti proyekto ti pagilian gapu iti isyu seknan iti maatap a korapsion a mainaig iti flood control projects.
Gapu iti dayta, nagkedked ti Ministry of Strategy and Finance ti South Korea nga ipaay ti 700 Billion won wenno P28 Million a civil engineering project iti pagilian.
Kinumpirmar daytoy ni South Korea President Lee babaen iti social media account daytoy.
Maibasar iti sumagmmano nga statement ni President Lee, inyunay-unayna a daytoy ket addaan iti dakkel a kaipapanan a saan a masayang ti 7 Trillion won manipud iti buis.
Naituding maaramat ti kuarta nga ipaay ti South Korea iti “Rural Modular Bridge Project”, partikular iti 210 a rangtay iti Luzon, 88 idiay Visayas, ken 53 idiay Mindanao intun 2028.
Panggep ti nasao a proyekto a mapasayaat dagiti agricultural roads para kadagiti mannalon babaen kadagiti steel modular bridges iti 350 rural areas ti Pilipinas babaen iti inisyatibo ni President Ferdinand Marcos Jr.
