Kinumpirmar ni Senate President Pro Tempore Panfilo Lacson nga adda ti ₱355 million insertion iti 2025 national budget a nailatang para iti Bulacan.
Ti nasao a gatad ket rumrumwar a kapada ti gatad a dinakamat ni sigud a Department of Public Works and Highways Assistant District Engineer Brice Hernandez a maatap nga inlatang ni Senator Jinggoy Estrada.
Maipalagip nga immunan nga inakusaran ti DPWH engineer ni Senator Estrada nga addaan daytoy iti 30% nga SOP.
Sigun kenni Lacson, impasukimatna nu adda iti ₱355 million insertion iti General Appropriations Act nu sadino, nakumpirmarda nga adda iti maysa.
Innayonna a ti nakitana nga insertion ket awan iti bersyon iti Kamara rason a posible a nagtaud daytoy iti Senado wenno Bicam ngem i-validate-na nu siasino ti proponentna.
Nupay kasta, sigun kenkuana, posible a makalusot ti repsonsbable iti daytoy gapu ta kadagiti budget deliberation, saan a makita nu siasino dagiti proponent rason nga awanan met iti rekord.
Maipalagip a pinalibakan metten Senator Estrada ken ni Senator Villanueva ti akusasyon ni Hernandez.
