Pormal a nangipila iti reklamo ti Department of Transportation ken ti Land Transportation Office kontra kada dismissed Department of Public Works and Highways-Bulacan First District Engineer Henry Alcantara ken Assistant District Engineer Brice Hernandez.
Ti nasao a reklamo ket gapu iti mapapati a panaglabsingda iti Article 172 wenno ti Revised Penal Code wenno ti falsification of documents iti panagaramat dagitoy iti peke a licensya tapno sumrek kadagiti casinos.
Gapu iti dayta, kinuna ni Department of Transportation Secretary Giovanni Lopez a rumbeng a sumango dagitoy iti pannusa mapa-opisyal wenno pribado nga indibidual.
Kinunana a possible metlaeng a mapilaan iti kaso dagiti “BGC Boys” ken ti mapapati a supplier dagiti peke nga indentification cards.
Iti kanito a maduktalan a guilty dagitoy sumango-da iti agarup innem a tawen a panakaibalud ken P1 million a penalty fine.
