--Ads--
Target ita ti Department of Public Works and Highways (DPWH) a mangipila iti uray maysa a corruption case tunggal lawas kasaruno ti agtultuloy nga imbestigasyon ti Independent Commission on Infrastructure (ICI) kadagiti naanomalyaan a flood control projects iti Pilipinas.
Immunan met nga impetteng ni Department of Public Works and Highways Secretary Vince Dizon a naipilan ti umuna a kaso kontra kadagiti 26 nga indibidual.
Nupay kasta, isagsagana manen dagitoy dagiti tallo wenno ad-adu pay a kaso kagiddan ti manarimaan a panang-imbestigarda kadagiti nasurok a 100 a proyekto iti intero a pagilian.
