Inlawlawag ni Department of Justice (DOJ) Secretary Jesus Crispin Remulla a ti saan a panagpakita ti testigo a ni Orly Guteza ti rason a saan a karaman ni sigud nga House Speaker Martin Romualdez kadagiti inrekomendar iti National Bureau of Investigation(NBI) a maipilaan iti kaso.
Maipalagip nga iti panagdengngeg iti Senate Blue Ribbon Committee idi Huebes ket insalaysay ni Guteza ti nakalanad iti sworn affidavit daytoy a panangideliverda iti nakamaleta a kwarta iti maatap a pagtaengan ni Romualdez — banag a nainget a pinaglibakan ti kongresista.
Sigun kenni Remulla, kasapulan pay a maberipikar ken maipasidong iti evaluation ti alegasyon ni Guteza kenni Romualdez.
Maipalagip nga idi laeng Biernes, inruar ti DOJ ti listaan dagiti 21 nga indibidwal nga inrekomendar iti NBI a pilaan iti kaso nu sadino, karaman iti daytoy da Ako Bicol Party-list Representative Zaldy Co, Senator Chiz Escudero, Senator Joel Villanueva, ken Senator Jinggoy Estrada.
