Inaklon ni House Speaker Bojie Dy III a naklaat daytoy iti panaglusulos ni Ako Bicol Party-list Representative Zaldy Co idi kalman.
Sigun kenni Dy,immunan a napagnumwan a nu saan a makikoordinar ni Co iti House Committee on Ethics and Privileges ket panggepda a suspindirin daytoy.
Gapu iti panaglusulos ni Co, inlawlawag ni Dy a saanen a ti Kamara ti maseknan iti daytoy nu sadino, impaturaydan iti Department of Justice (DOJ)ken iti Independent Commission on Infrastruture (ICI) nu anya ti kaskenan a kaso a maipila kontra iti nasao a kongresista.
Kagiddan dayta, impetteng ni Dy nga iti baet a saanen a miembro iti Kamara ni Co, kasapulan latta daytoy ti agawid iti Pilipinas tapno sangwen dagiti akusasyon a naibato kontra kenkuana.
Iti agdama, kinuna ni Dy nga awan pay naawatda a report seknan iti lokasyon ni Co ken maibasar iti monitoring dagitoy ket saan pay nakasangpet daytoy iti pagilian.
