BAGUIO CITY – Nagbakwit dagiti 3 a pamilya sadiay Barangay Dominican Mirador iti siudad ti Baguio gapu iti epekto ti Bagyo a Paolo.
Iti interview ti Bombo Radyo kenni Carol Domogan, Kapitan ti Barangay Dominican Mirador, kinunana a buklen daytoy ti agarup 15 nga indibidual.
Sigun kenkuana, nagbakwit dagiti nasao nga indibidual gapu iti kinarisgo ti lokasion ti pagtaengan dagitoy.
Kabayatanna, naipaayan metten dagitoy iti materiales a mainayun iti panangpatakderda iti balay.
Nupay kasta, kinuna ti nasao a kapitan a saanen mabalin a pagpatakderan ti balay dagiti lokasion ti pagtaenganda.
Daytoy ket kalpasan nga indeklara ti City Disaster Risk Reduction and Management Office (CDRRMO) nga unlivable gapu iti panagreggaay.
Gapu iti dayta, posible a bumayag paylaeng dagitoy iti evacuation center agingga a makabirok dagitoy iti natalged a pagianan.//mp4
