Impasigurado ti Department of Public Works and Highways (DPWH) a mangipaayda iti pundo para iti panakatarimaan manen ti narba a Piggatan bridge sadiay Alcala, Cagayan iti kabiitan a panawen.
Sigun kenni Department of Public Works and Highways Secretary Vince Dizon agkita dagitoy iti pundo iti nasao a rangtay manipud iti agdama a pundo wenno iti 2026 budget.
Nupay kasta, kinunana a nasken a mangipasdek dagitoy iti temporaryo a rangtay iti kabiitan a panawen tapno adda ti aramaten dagiti byaheros.
Kinunana nga ibaklay ti opisina dagitoy ti pundo rason a kinunana a bisitaenna ti narba a rangtay inton bigat.
Maipalagip a narba ti nasao a rangtay kalpasan a naglabes daytoy iti limitna nga 18 metric tons gapu kadagiti nagna nga overloaded trucks.
Kagiddan dayta, nagballaag dagitoy iti publiko a magna kadagiti alternatibo a ruta babaen iti Junction Gattaran – Cumao – Capissayan – Sta. Margarita Bolos Point Road to Baybayog – Baggao – Sta. Margarita Road (and vice versa).
