--Ads--
Binalakadan ni Department of Health (DOH) Secretary Teodoro Herbosa dagiti tattao a makapaspasar ti sintomas ti influenza-like illnesses (ILIs) nga agtalinaedda iti pagtaenganda, tapno maliklikan ti pannakayakar ti nasao a sakit.
Kasaruno daytoy ti inwaragawag ti PAGASA mainaig iti pormal a panangrugi ti panawen ti Amihan iti pagilian.
Sigun kenni Herbosa, liklikan ti umasideg kadagiti kapamilia a nalaka a maakaran iti nasao a sakit, pakairamanan dagiti nataengan ken dagiti addaan sakit a kas iti kanser ken diabetes iti kanito a saan a maliklikan ti rummuar iti balay.
Kabayatanna, dagiti gagangay a sintomas ti ILI ket pakairamanan ti gurigor, panagbakwar, uyek, sakit ti karabukob, panagsakit ti bagi ken panagsakit ti ulo.//mp4
