Natiliw dagiti operatiba ti Police Regional Office 2 ti No. 6 Regional Most Wanted Person a ni alyas “Along” iti maysa nga operasion idiay Upper Malvar, Trancoville, Baguio City, idi Nobiembre 2.
Ni alyas “Along,” nga agtawen ti 21, baro, drayber, ken residente ti Barangay Buenavista, Santiago City, ket sumangsango iti uppat a bilang ti kaso nga Statutory Rape.
Ti pannakatiliwna ket resulta iti nagtinnulong nga operasion ti Saguday Police Station (lead unit), Quirino Provincial Intelligence Unit (QPIU), Regional Intelligence Unit 2 (RIU2), Criminal Investigation Team Santiago, ken Police Station 1 ti Santiago City Police Office (SCPO).
Maibasar iti report, naisayangkat ti operasion iti bileg ti Warrant of Arrest nga inruar ti Regional Trial Court, Branch 21, Second Judicial Region, Santiago City, idi Oktubre 28, 2025, nga awan ti piansa a nairekomendar.
Isuna ket adda ita iti kustodiya ti Saguday Police Station para iti dokumentasyon ken naikeddeng a mai-turn over iti maseknan a korte a nangiruar ti warrant.
