Impakaammo iti Baguio City Police Office a ngimmato ti bilang dagiti simmarungkar kadagiti sementeryo iti siudad iti Baguio ita a tawen manipod ngudo iti Oktubre agingga November 2.
Sigun kenni Police Major Marcy Grace Marron, Public Information Officer iti BCPO, dumanon iti 43,651 ti bilang dagiti nagturong kadagiti sementeryo ita a tawen, nangatngato ngem iti agarop 30,200 idi napan a tawen.
Manipod iti nasao a bilang, kaadwan a nairekord ket dagiti nagturong idiay Baguio Public Cemetery a dumanon iti 30,410.
Sarunwen daytoy iti Baguio Memorial Park a nakairekord iti 3, 240, Everlasting Memorial Park a 2770, Pyramid Memorial Park a 2663, Loakan Public Cemetery a 2233, ti Heaven Garden a 1533, Bakakeng Public Cemetery a 416, ken ti Benin Cemetery a nakairekord met iti 406 a simmarungkar.
Innayon ni Marron nga idi November 1 a naobserbaran ti kaadwan a bilang dagiti bisita a nagdagop iti 26, 295 nga indibidwal.
Patien ti opisyal a maysa a kontributor iti panagngato iti bilang dagiti nagturong kadagiti sementeryo ita a tawen ti nasayaat a sasaaden iti panawen.//Bombo Noveh Organo
