--Ads--
Agtaltalinaed paylaeng iti intensive care unit (ICU) ti ospital ni sigud a Senate President ken Chief Presidential Legal Counsel Juan Ponce Enrile nga agtawen iti 103.
Sigun iti anak daytoy a ni Katrina, saan a nasayaat ti kasasaad ti amanada.
Immuna nga impakaammo ni Senator Jinggoy Estrada a naiturong ni Enrile iti ospital.
Sigun iti Senador, alanganen a malasatan ti sigud a Senate President ken Chief Presidential Legal Counsel ti sasaaden daytoy.
Gapu iti dayta, nangisayangkat dagitoy ti kararag kabayatan ti plenary session ti Senado.
Kabayatanna, kinompirmar ni Juan “Jack” Ponce Enrile Jr. a sibibiag paylaeng ti amada a ni Juan Ponce Enrile.
Daytoy ket karasuno ti agwar-waras a damag a pimmusay ti ama dagitoy.
