Inimbitaran ni Senate President Pro Tempore Panfilo Lacson dagiti sumagmamano a kongresista para iti sumaruno a panagdengngeg iti flood control corruption scandal iti pagilian.
Sigun kenni Senate President Pro Tempore Lacson, imbitado dagiti 17 a mammanday linteg a dinakamat dagiti agassawa a kontraktor a da Curlee ken Sarah Discaya iti affidavit dagitoy.
Naimbitaran metlaeng ni sigud nga speaker Leyte Rep. Martin Romualdez, resigned Ako Bicol party-list congressman Zaldy Co ken Benguet Rep. Eric Yap nga inraman ni sigud a Marine ken security consultant Orly Guteza iti maatap a flood control kickbacks.
Makipaset iti panagdengngeg ni Co babaen ti Zoom iti Philippine embassy wenno consulate bayat nga adda paylaeng daytoy iti ballasiw taaw.
Maangay ti imbestigasion intun biernes, Nobiembre 14 kalpasan kiniddaw ni Senate President Pro Tempore Lacson kenni Senate finance committee chairman Sherwin Gatchalian nga itantanna paylaeng ti plenary deliberations ti 2026 budget.
