Inlawlawag ni Senate President Pro Tempore Panfilo Lacson a saanna nga idepdepensa ni President Ferdinand Marcos Jr. iti maatap a P100-billion budget insertion ken kickback scheme ti naanomalyaan a flood control projects.
Sigun kenni Senate President Lacson, adda dagiti pammaneknek nga awan ti pakairamanan ti presidente.
Maysa ditoy ti panang-vetoe ti President Marcos Jr. iti P1.15 billion a gatad dagiti items manipud iti kapada a listaan ti naisingasing nga insertions.
Impeksa ni Lacson a dagiti tallo a na-vetoe nga agatad ti P1.15 billion ket maysa laeng kadagiti basaran nga awan ti pakainaigan ni President Marcos Jr.
Malaksid iti dayta, saan nga agtunos ti aligasion ni sigud nga Ako Bicol representative Elizaldy “Zaldy” Co iti kinuna ni sigud a Department of Public Works and Highways (DPWH) undersecretary Roberto Bernardo, maipapan iti naipatulod a P25 billion a kickback kenni President Marcos Jr.
Inyunay-unay ni Lacson a saanna nga idepdepensa ni President Marcos Jr. agsipudta nalawag nga awan ti pakainaigan ti Presidente.
Sigun kenni Lacson, apay nga i-veto ni President Marcos Jr. ti GAA iti bicam no ammona ti maipaan iti insertion ti P100 billion.
