Agkidkidaw ti tulong iti gobierno ti maysa a pamilia sadiay Libungan, Cotabato tapno maiyawid iti lugarda ti bangkay ti kapamilianda a pimmusay sadiay Japan idi Nobiembre 24, 2025.
Pimmusay ti nasao nga Overseas Filipino Worker (OFW) gapu iti aksidente iti kalsada sadiay Tokyo.
Sigun kadagiti naggannak ken kakabsat ti pimmusay a ni Gladys Grace Testado, naatalan daytoy ti lugan.
Malaksid kenni Testado, pimmusay metlaeng ti maysa a Japanese a lalaki bayat a siam dagiti nadangran gapu iti insidente.
Sigun kadagiti Filipino sadiay Tokyo, natakaw ti kotse iti maysa a showroom ti lugan sadiay Umejima district.
Pinadas ti driver nga aglibas ngem inaarestar metlaeng daytoy dagiti police officers.
Sigun iti pamilia ti pimmusay, nagturong ni Testado sadiay Japan tapno agadal iti Nihongo kas panagsagana iti panggepna a panagtrabaho sadiay Tokyo.
Pimmusay ni Testado iti intensive care unit (ICU) ti ospital ti nasao a pagilian.
