Impalagip ti Department of Labor and Employment (DOLE) kadagiti employers nga impaayda ti government-mandated 13th-month pay dagiti empleyado dagitoy sakbay ti Christmas Eve.
Maibasar iti advisory, impaulog ti DOLE dagiti pagannurutan ti pannakaipaay ti 13th-month pay.
Impaganetget ti nasao nga ahensia nga awan dagiti exemptions ken masapul nga agtumpal dagiti employer.
Sigun kenni DOLE Secretary Bienvenido Laguesma, karbengan dagiti empleyado nga umawat iti 13th-month pay.
Gapu iti dayta, kasapulan a siguraduen dagiti employers ti naintiempoan a pannakaipaay ken ti panagtulnog dagitoy.
Maiyaplikar ti pannakaipaay ti 13th-month pay kadagiti amin a rank-and-file employees iti prebado a sektor, anya man ti posisyon, employment status wenno wage payment method dagitoy.
Impalagip metlaeng ti labor department kadagiti employers nga agisubmitir dagitoy iti legal compliance reports, babaen iti DOLE Online Compliance Portal sakbay ti January 15, 2026.
