Dumanon iti nasurok 700 a kaso ti Human Immunodeficiency Virus (HIV) ti nairekod iti siudad ti Baguio ita a tawen.
Sigun kenni Dr. Celia Flor Brillantes, City Health Service Officer, ar-aramiden dagitoy ti kabaelanda tapno maipaay ti kasapulanda treatment para kadagiti HIV patients.
Inlawlawagna a target dagitoy ket mapababa iti nababbaba iti 50 ti viral load tapnu undetectable ken untransmitable daytoyen ngem nasken a lifetime treatment daytoy.
Kinunana nga iti kanito a mapababa metlaeng ti viral load dagiti HIV patients ket mabalinen a makasikog wenno agsikog ti babae.
Impettengna met ti suporta dagiti City officials iti programa dagitoy maipapan iti prevention iti HIV/AIDS/STI.
Maipalagip a balligi a naiyuswat ti Namnama sadiay Convention Center no sadino mabalinda a mai-cater dagiti pasyente nga agpacheck up iti 5 o’clock ken bayat ti weekends.//Bombo Noveh Organo
