--Ads--
Naituding a mawaya-wayaan dagiti siam a Filipino seafarer a kinawtibo dagiti rebelde a Houthi.
Sigun iti Department of Foreign Affairs (DFA), mawaya-wayaan ken maiyakar dagitoy sadiay Muscat, Oman, kalpasan ti panagtalinaedda iti kabesera ti Yemen a kontrolado dagiti rebelde a Sana’a.
Dagiti nasao a seafarers ket crew members ti MV Eternity C nga inatake dagiti rebelde a Houthi idi July 2025.
Kabayatanna, aramiden ti Philippine Embassy sadiay Muscat ken Migrant Workers Office-Muscat ti maitutop nga addang para iti dagus a pannakaisubli dagiti siam a seafarers iti pagilian.
