--Ads--
Naannayas a nagleppas ti siyam a simbang gabi iti intero a Pilipinas.
Daytoy ket babaen iti kinaalerton ti Philippine National Police (PNP) rason nga awan ti nailista dagitoy nga untoward incident.
Sigun kenni acting PNP Chief Police Lieutenant General Jose Melencio Nartatez Jr., nakaalerto dagitoy tapno maipasigurado ti kinatalged ken seguridad ti publiko bayat ti panangrambak iti paskua kasta metten ti panangsarabo iti baro a tawen.
Kinunana nga awan ti nailista dagitoy nga aniaman nga insidente a nang-apektar iti linak ken kappia bayat ti nasao a simbang gabi.
Nupay kasta, ad-adda a nakaalerto dagitoy tapno agbantay kontra kadagiti aniaman nga iligal nga aktibidad.
