Makikikoordinaren ti lokal a gobierno ti siudad babaen kenni Baguio City Mayor Benjamin Magalong iti Department of Transportation (DOTr) ken ni Department of Public Works and Highways (DPWH) Secretary Vince Dizon iti posible a pannakaimplementar ti cable transport system a saan laeng a para kadagiti turista nu diket para iti publiko.
Sigun kenni Mayor Magalong, naaddaanda iti inisial a feasibility study seknan iti nasao a proyekto ken manarimaan ti panangsapulda iti pondo tapno maisayangkat ti comprehensive feasibility study.
Inlawlawag ni Mayor Magalong a ti singasing a cable transport system ket para iti siudad ti Baguio.
Dinakamatna metlaeng a ti panggep kuma a cable system a mangikonektar iti Trinidad, Benguet, and Baguio City ket saanen a maituloy.
Kabayatanna, kinuna ni Magalong nga awan ti dadduma a kompania ti nangipakita iti interes iti pannakaibangon iti Baguio City Integrated Terminal (BCIT) malaksid laeng ti kompania a Megawide Construction Corp.
Kumpiansana ni Mayor Magalong iti nasao a kompania gapu iti napasaranda iti panangimanehar iti nagduduma nga infrastructure projects, pakairamanan ti konstruksyon ti airport terminal ti Clark ken Cebu, ket nasayaat.
Patien ni Magalong a ti BCIT ti maikadua wenno maikatlo nga intermodal transport terminal nga inigamanna ti Megawide.
Numan awan pay ti napagsaritaan a pondo, namnamaenna nga agnumar ti siudad iti Baguio manipod iti revenue shares iti kanito nga ag-operate ti termina.
Manamnama a malpas ti proyekto iti dua a tawen.
