Nainayunen iti general population ti New Quezon City Jail male Dormitory ni sigud a senador Ramon “Bong” Revilla, Jr., maysa a lawas kalpasan nga inmuneg daytoy iti pagbaludan.
Sigun iti Bureau of Jail Management and Penology (BJMP), makadwa ni sigud a senador Revilla iti maysa a selda innem pay nga persons deprived of liberty (PDLs) nga saan a konektado iti kaso ti naanomalyaan a flood control projects.
Kalpasan daytoy iti pannakaipasidong da iti pito nga aldaw nga a mandatory medical quarantine para kadagiti baro a balud.
Sumangsango daytoy iti kaso a malversation of public funds ken falsification of public documents iti maysa a ghost flood control project idiay Pandi, Bulacan, nga aggatad iti agarup P92.8 Million.
Dinakamat met laeng ti Bureau of Jail Management and Penology (BJMP) a low-risk PDLs dagiti kadwa ni sigud a senador Revilla iti selda na.
Nupay kasta, inlawlawagda a saan a VIP treatment daytoy ken nainget laeng ti panangi-secure da iti sigud a senador gapu ta high-profile ti kaso daytoy.
Agtalinaed met daytoy iti nasao a pagbaludan kasta meten dagiti co-accused daytoy kabayatan iti panagdengeg ti kaso da iti Sandiganbayan. // Bombo Karen Calpoe Sapirao
