Napagtatalantanan iti Senate Plenary Session idi kalman, Enero 27. a masukatan da Senator Bato Dela Rosa ken Senator Joel Villanueva kas miyembro iti Senate Committee on Ethics and Privileges.
Iti nasao a session, insingasing ni Senate Majority Leader Juan Miguel Zubiri ti panangsukat da Senator Imee Marcos ken Senator Rodante Marcoleta da Senator Dela Rosa ken Sen. Villanueva.
Sigun kenni Zubiri, daytoy ket gapu iti conflict of interest a sansaguen dagiti nasao a senador.
Inaprobaran met daytoy ni Senate Presidente Vicente “Tito” Sotto III kalapsan nga awan ti nag-object manipud kadagiti dadduma a senador.
Ti nasao a komite ti responsable kadagiti banbanag iti senado nga ada pakainaiganna iti conduct, rights, privileges, safety, integrity, ken reputasyon ti Senado ken dagiti senador.
Maipalagip a saan pay laeng a nagparparang ni Senator Dela Rosa iti Senado manipud Nobyembre idi napalabas a tawen kalpasan iti maatap a panangipaulog ti International Criminal Court ti warrant of arrest kontra kenkuana.
Iti sabali a bangir,sumangsango met ti Sen. Joel Villanueva ti reklamo seknan iti maatap a pakainaiganna iti naanomalyaan a flood control projects.// Bombo Karen Calpoe Sapirao
