--Ads--
Saan a pinatgan ti Sandiganbayan ti kiddaw ni sigud a senador Ramon “Bong” Revilla a maiyalis daytoy idiay Philippine National Police (PNP) Custodial Center idiay Camp Crame manipud Quezon City.
Kagiddan dayta, inbasura met laeng ti Third Division ti anti-graft corruption ti mosyon ni sigud a senador Revilla nga maisubli ti kaso daytoy iti Office of the Ombudsman para iti reinvestigation.
Gapu iti daytoy, agtalinaed ni sigud a senador Revilla idiay New Quezon City Jail Male Dormitory.
Sigun iti korte, awan ti na-anannay a rason nga impaay ni sigud a senador Revilla tapno mapasingkedanna ti kiddaw daytoy. // Bombo Karen Calpoe Sapirao
