Kidkiddawen ita ti baro a transport group nga Kilos-Konsumer-Kimyuter (KumyuterPh) kadagiti political leader iti pagilian nga isardengdan dagiti isyu iti politika ken rugiandan nga ikkan ti atensyon ti panangpasayaat ti pang-publiko a transportasyon nangnangruna iti ruta nga pauneg ken ruwar ti Metro Manila.
Sigun kenni Isagani Bogabel, spokesperson ti KyumterPH, addu nga oras ken resources ti masaysayang kadagiti political issues imbes kitdi nga maisimpa ti sistema ti transportasyon, nga agtultuloy nga mangparparigat kadagiti milyon nga commuters iti pagilian.
Dinakamat ti nasao a grupo a tunggal aldaw iti trapiko, mangituntunda daytoy iti agarup P3.5 Bilyon a pannakalugi iti ekonomiya iti pagilian.
Kidkiddawen met laeng a grupo ti dagos a pannakaiyemplementar ti Public Transportation Modernization Program, pannakanayon kadagiti yunit a lugan, suporta kadagiti draybers, ken programa kontra kadagiti colorum vehicles tapno malag-anan dagiti commuters iti pagilian. // Bombo Karen Calpoe Sapirao
