Pinatgan ti International Criminal Court (ICC) ti kiddaw ti kiddaw ti kampo ni President Rodrigo Roa Duterte a mangisumitirda ti kanayunan nga ebidensya a maaramat iti panagdengngeg ti kaso ti sigud a presidente.
Immunan a kinnidaw ti legal team ti sigud a presidente iti International Criminal Court (ICC) a mangisumitirda ti kanayunan nga 78 a baro nga ebidensya nga maaramat iti confirmation of charge.
Nagkiddaw metlaeng ti prosecution nga awaten ti ICC ti baro a dua nga ebidensya- banag a pinatgan met laeng ti nasao a korte.
Marugian metten ti panagdengngeg iti kaso ti sigud a presidente inton Pebrero Biyente-tres para iti confirmation of charges daytoy.
Maipalagip nga inarestar ti nasao a korte ni sigud a president Rodrigo Duterte gapu iti maatap a crime against humanity gapu iti anti-drug operation bayat iti administrasyon na.
Mannarimaan met a nakabalud daytoy iti facility center iti International Criminal Court (ICC) idiay The Hague, Netherlands. // Bombo Karen Calpoe Sapirao
