Inanunsyo ni Vice President Sara Duterte na siya ay tatakbo bilang Pangulo ng Pilipinas sa darating na halalan.
Sa kanyang pahayag, sinabi niya:
“I offer my life, my strength and my future in the service of our nation… Mga kababayan, ako si Sara Duterte, tatakbo bilang pangulo ng Pilipinas.”
Ang anunsyo ay dumating sa gitna ng mga kontrobersiya, kabilang ang tatlong impeachment complaints na nakasampa laban sa kanya sa House of Representatives, na pinamumunuan ng mga kaalyado ni Pangulong Ferdinand Marcos Jr.
Kamakailan, inilunsad sa Cebu ang “Tatay Digong for Inday Sara Movement 2028”, na naglalayong ipakita ang suporta sa kanyang kandidatura at pagpupugay sa pamumuno ng kanyang ama, si dating Pangulong Rodrigo Duterte.
Sa kabila ng mga hamon, nananatiling mataas ang pangalan ni Duterte sa mga survey, at isa siya sa mga frontrunners para sa 2028 presidential race.
Ang kanyang kandidatura ay inaasahang magdudulot ng mas matinding labanan sa politika, lalo na sa gitna ng patuloy na isyu ng kanyang ama sa International Criminal Court (ICC), na maaaring makaapekto sa talakayan ng pambansang politika sa susunod na taon.
