Naituding nga agkita da President Ferdinand Marcos Jr. ken sigud a Vice President nga ita ket agserserbi kas Mayora ti Naga City a ni Leni Robredo.
Sigun kenni Communications Undersecretary Claire Castro, daytoy ket gapu iti naituding a panagbisita ti presidente iti anti-flood operations sadiay Sagop Creek idiay Naga City inton umay a Pebrero 21.
Innayon ni Undersecretary Castro nga doble ita ti isaysayangkat a trabaho ti Department of Public Works and Highways (DPWH) tapno maliklikan ti panaglayos idiay Naga.
Pinaglibakan met ni Castro a panggep ti pulitika ti rason ti panagbisita ti presidente sadiay.
Saan meten daytoy a nangipaay ti kanayunan nga impormasyon nu anya pay dagiti dadduma a pagsaritaan ti dua nga opisyal. //Bombo Karen Calpoe Sapirao
