Nangipila ni House Majority Leader Sandro Marcos ti gakat a mangkidkiddaw ti pannaka-categorize ti road rage kas criminal offense.
Sigun kenni Marcos, maysa metlaeng gamin daytoy nga act of aggression, intimidation, ken kinaranggas a mabalin a pangta iti biyag ti maysa nga indibidwal.
Iti sidung ti nasao a singasing wenno ti House Bill 8190, iladladawanna ti road rage kas anyaman nga intentional ken agresibo nga ugali ti maysa a driber a mabalin a mangpangta, harass, ken mangdangran iti pada na a road user.
Nu bilang maipasa ti nasao a singasing, posible a maibalud iti dua a tawen ken maysa nga aldaw agingga uppat a tawen ken agbayad iti P100,000 agingga P200,000 ti asinoman a manglabsing iti daytoy.
Ngem nu ti maysa a road rage ket saan a nangitunda iti anyaman a dadael, pannakadangran, wenno pammapatay, sumango latta ti offendes ti pannakaibalud ti innem a bulan ken maysa nga aldaw agingga maysa a tawen wenno agbayad ti P20,000 agingga P100,00.
Inpila ni Marcos ti nasao a singasing kalpasan iti maysa a report iti road rage incident idiay North Luzon Expressway no sadino hinarang dagiti grupo ti lugan ti convoy a nagluganan ti maysa kadagiti Presidential sons. //BomboKCS
