Chief ti BFP iti pagilian, napilaan iti kaso a criminal case gapu iti maatap a korapsyon iti nasao nga ahensia

Sumangsango iti criminal case ni Bureau of Fire Protection (BFP) Chief Dr. Jesus Fernandez, kalpasan nga imbutaktak ni Department of Interior and Local Government (DILG) Secretary Juanito Victor ‘Jonvic’ Remulla ti maatap a korapsyon iti BFP.

Sigun kenni DILG Asec. Jesi Howard Lanete, napilaan ti nasao a Chief ti BFP iti kaso a malversation of public funds,violation of anti-graft and corrupt practices act ken direct bribery.

Malaksid iti dayta, kiniddaw ti DILG iti Office of the Ombudsman ti pannakaikabil ni Fernandez iti sidong ti preventive suspension.

Daytoy ket kasaruno ti pannakaipila ti kaso kontra kenkuana.