Agtultultoy ti panagtulong iti Department of Agriculture โ Cordillera kadagiti mannalon iti kamatis idiay Ifugao a madanon dagiti consumers iti siudad babaen iti inisiatiba a Kadiwa, a mangidiadiaya iti ‘fresh’ ken de-kalidad a produkto iti P20 tunggal kilo laeng.
Manipud idi Martes agingga Huwebes, saan a bummaba iti sangapulo a tonelada ti kamatis ti dimteng iti siudad, a maitunos iti nasayaat a klima iti rehion a mangpadpadakkel, ken mangpaspasayaat iti kalidad iti prutas.
Sigun kenni DA-Cordillera Director Jennilyn Dawayan, impasigurado iti programa ti nasayaat nga akses iti merkado ken nasaysayaat a presio para kadagiti mannalon babaen iti direkta a pannakikoordinar kadagiti gumatgatang, merkado publiko ken iti opisina.
Malaksid iti kamatis, mangitultulod metlaeng ti Kadiwa truck kadagiti itlog, nateng ken dadduma pay a produkto nga agrikultura.
Impaganetget ni Dawayan a ti panagregget ket panggepna a pangatwen ti kita dagiti mannalon bayat a maipapaayan ti publiko iti akses iti nalaka ken fresh a produkto.
