ITOGON, BENGUET- Naarestar ti lima a lalaki, agpapada a minero ken laborer kalpasan a naaktuan dagiti otoridad nga agsusugal dagitoy sadiay Ampucao, Itogon, Benguet idi February 22, 2026.
Maibasar iti report ti kapulisan, dagiti suspek ket agtawen manipud iti 34 agingga iti 57.
Kaadduan kadagitoy ket tubo ken residente metlaeng iti nasao a munisipyo.
Naaktuan dagiti suspek nga agay-ayam iti pusoy winner take all nga addaan iti pusta, kabayatan ti impatungpal dagiti otoridad nga intelligence driven ti anti-illegal gambling operation.
Nakompiskar manipud kadagiti suspek ti uppat a pidaso ti 1000 peso bill; uppat a pidaso ti 500 peso bill; 21 a pidaso ti 100 peso bill; maysa a pidaso ti 200 peso bill; lima a pidaso ti 50 peso bill; ken 52 a pidaso ti playing cards.
Sigun kadagiti otoridad, dumanon iti P8,550.00 ti pakabuklan a gatad ti nakompiskar a pusta.
Iti kaudian a report, nairefer iti prosecutors office ti nasao a kaso.//via Bombo Noveh Organo
