--Ads--
Kinumpirmar ti Department of Migrant Workers (DMW) a nakasangpeten iti pagilian ti 61 a na stranded nga Overseas Filipino Workers (OFW) manipud Dubai, United Arab Emmrates idi kalman idiay Ninoy Aquino International Airport (NAIA) Terminal.
Sigun iti nasao nga ahensiya, karaman kadagitoy ti tallo a menor de edad.
Dagos met a naipaayan dagitoy iti tulong pinansyal ken transportasyon tapno makaawidan iti probinsiyada.
Nangipaay metlaeng ti gobyerno ti temporaryo a pagtaenganda, psychosocial ken tulong medikal para kadagiti na -repatritae.
Agtultuloy met ti koordinasyon ti gobyerno ti Pilipinas iti dadduma a pagilian tapno masigurado ti seguridad ken matulongan dagiti kayatna a makaawid //BomboKCS
