Ngimmato iti 3.1% ti inflation iti Cordillera idi Pebrero, manipod iti 1.9% idi Enero, sigun iti Philippine Statistics Authority (PSA).
Sigun iti nasao nga ahensia, gapu daytoy iti panagngato iti abang iti balay, singir iti kuryente, ken presio iti taraon, karaman ti bangus manipod idiay Dagupan City, Pangasinan.
Kaaduan kadagiti munisipyu iti rehion ket nakailista iti panagngato iti inflation, bayat a bimmuntog bassit ti inflation idiay Benguet.
Iti siudad ti Baguio, ngimmato iti 4.8% ti inflation, gapu iti panagumay dagiti turista idi Panagbenga Festival ken PMA alumni homecoming, a ngimmatio iti presio iti hotel, restaurant, ken abang.
Nagballaag metlaeng ti PSA nga ad-adda pay a marikna ti epekto iti panangngato iti presio iti produkto a petrolio inton Marso ken Abril, nangruna a gapu iti tension idiay Middle East.
