Ginatang ni Batangas 1st District Representative Leandro Leviste ti pagtaengan idiay Wilhelmsfeld, Germany no sadino pinalpas ti national hero a ni Jose Rizal ti novel daytoy a “Noli Me Tangere”.
Sigun iti impablaak ni Representative Leviste, daytoy ket tapno maipreserve ti nasao a balay.
“Layunin ng pagbili at pagpreserba ng bahay na ito na mapanatili ang isang makasaysayang lugar kung saan isinilang ang mga ideyang tumulong sa pagsiklab ng Himagsikang Pilipino at paghubog ng bansang Pilipinas,” sigun iti impablaak ni mammanday-linteg.
Insalaysayna a manipud 1886, nagtaengan dagiti pastor ti nasao a balay ngem manipud idi COVID-19 pandemic, saanen daytoy a naararamat isu’t gapunna nga inyumanda daytoy iti ina ni Representative Leviste a ni Senator Loren Legarda.
Ni Senator Legarda metten ti nangisingasing kenni Representative Leviste nga gatangenna daytoy iti bukodna a kwarta tapno aramiden a museo a mailukat para kadagiti Pilipino ken turista idiay Wilhelmsfeld tapno adadda a maawatanda ti istorya ti biyag daydi Rizal.
Napasamak ti signing ceremony idi napalabas a lawas kadua ni Dr. Franz Hack Ullmer, apo ni Pastor Karl Ullmer a maysa kadagiti nasinged a gayyem daydi Jose Rizal. // Bombo Karen
