--Ads--
Inwaragawag ti Philippine National Police (PNP) a ngimmato ti bilang dagiti gas stations a nagserra gapu iti ngumatngato a presyo ti petrolyo.
Sigun iti nasao nga ahensya, ngimmato iti 403 ti bilang dagiti nagserra manipud iti 273.
Kasaruno daytoy iti insayangkat ti PNP a monitoring kadagiti agarup 14,313 a gas stations iti intero a pagilian.
Sigun kenni PNP spokesperson Police Brigadier General Randulf Tuaño, manarimaan ti imbestigasyon dagitoy kaduada ti Department of Energy (DOE) tapno mabigbig no adda ti pakainaigan ti profiteering wenno hoarding iti panagserra dagiti nasao a gas stations.
Kabayatanna, posible nga agpaut agingga iti tengnga ti Abril ti agdama a suplay ti gasolina iti pagilian.
