Immawat ti maysa a solo parent manipod iti Noveleta, Cavite ti nakaala iti P10 milyon jackpot prize iti opisina iti Philippine Charity Sweepstakes Office (PCSO), kalpasan a “timmama” ti rimmuar a kombinasion kadagiti numero iti Lotto 6/42 draw idi Marso 21, 2026.
Iti inruar nga “statement” iti PCSO, kinuna ti lucky winner a ti numero a 18-12-37-02-30-24, ket manipod kadagiti espesial nga pasken ken panagkasangay kadagiti pamiliana.
Mapapati nga aggatad iti P100 ti “tinnayaanna” iti kombinasion a rinugianna a nayunan manipod idi napalabas nga Oktubre iti namanama a ngumato ti tiansana a mangabak.
Nagbunga met ti desisionna kalpasan a nangabak a nagpabaliw iti taray iti biagna.
Iti agdama, panggep ti lucky winner nga aramaten ti napangabakanna iti panagadal iti kolehiyo iti anakna, bayadan dagiti utangna, aramaten kas puunan, ken mangi-save para iti masakbayan.
