Nasurok 8 milion nga indibidual ti nangisayangkat iti tignay-portesta iti nagduduma a paset ti Estados Unidos.
Inawaganda daytoy kas “No Kings” protest nu sadinno kinontrada dagiti polisia nga isaysayangkat ni US President Donald Trump.
Sumagmamano kadagiti polisia ket karaman iti giera idiay Iran, panangipatungpal iti nainget nga immigration ken ti agtultuloy a panagngato kadagiti gagatangen.
Karaman kadagiti nangisayangkat ket ti Los Angeles, Boston, New York , Washington DC , Houston ken dadduma pay.
Karaman metlaeng ti Minnesota nu sadinno laglagipenda dagiti pimmisay a da Renee Nicole Good ken Alex Pretti a pinalpaltugan iti federal immigration agents.
Nakipaset metlaeng iti protesta ti sumagmamano a showbiz personalities a kas kenni aktor a ni Robert De Niro ken ti singer a ni Bruce Springsteen.
Nainget metlaeng ti panagbantay dagiti otoridad nu sadinno sumagmamano nga indibidual ti nakemmeg idiay Los Angeles gapu iti panangpadasda a panangdangran kadagiti otoridad.
Naisayangkat metaleng dagiti tignay-protesta iti sumagmamano a lugar a kas idiay Paris, London ken Lisbon, Portugal.
Naartapan ti tignay-protesta iti agdama iti “No Kings” a naisayangkat idi Oktubre idi napalabas a tawen.
