--Ads--
Linagip ni Senator Imee babaen iti maysa a video nga impablaakna idi Lunes Santo ti panangbilin kenkuana daydi sigud a president Ferdinand Marcos, Sr. no sadino kinuna ti senador nga imbilin kenkuana ti sigud a president a manglagip isuna iti kayatna a pakawen ken kayatna nga idawatan ti pammakawan.
Mabuya iti paset ti nasao a bidyu ti panagkiddaw ti senadora ti pammakawan manipud daydi sigud a presidente gapu ta saanna a tinumpal ti bilin ti tatang daytoy a bantayanna ti kabsat na nga ita ket presidente.
Maipalagip nga idi Nobyembre idi napalabas a tawen, inakusaran ni Senator Imee ti presidente a kabsatna nga agararamat daytoy iti iligal a druga. //bombokaren.c.s
