Kiniddaw ni President Ferdinand Marcos Jr. iti tunggal Pilipino ti pannakipagrikna, panagkaykaysa, ken panagayat iti pagilian ita a maika-84 nga Araw ng Kagitingan.
Impaganetget ti Presidente a ti pudno a pigsa ti maysa a pagilian ket saan laeng a marukod babaen ti balligi, no di ket ti kabaelan ti tunggal Pilipino a tumakder, agkaykaysa, ken tumakder iti tengnga dagiti pannubok.
Kabayatanna, indagadag ni President Marcos Jr. kadagiti Pilipino nga iladawan ti espiritu ti kinatured ita nga “Araw ng Kagitingan”.
Sigun kenkuana, malagip ita nga aldaw ti kinatured ken sakripisyo dagiti Pilipino a timmakder para iti panagwaywayas ti pagilian kabayatan ti World War 11.
Impetteng daytoy a ti Bataan ken Corregidor ti mangpaneknek iti pudno a kinabannuar iti laksid ti bannog, rigat, ken ladingit dagiti soldado.
Inyunay-unay ni President Macos Jr. a ti kinabannuar dagitoy ken saan laeng a paset ti pakasaritaan ti pagilian no diket, palagip a ti kinured ket agtaltalinaed kadagiti tunggal Pilipino nga agtultuloy a mangikagkagumaan ken tumakder para iti pamiliada ken iti pagilian.
Maibasar iti Proclamation No.1006 a pinirmaan ni President Macos Jr. idi September 2025, ti “Araw ng Kagitingan” ken naideklara kas regular holiday.
