Naaddaan manen ti panagtataripnong ti UPLIFT Commitee idiay Palasyo tapno talantanen ti maudi a developments idiay Middle East ken ti epekto daytoy iti pagilian a Pilipinas, nangnangruna iti agtultuloy a panangngato ti presyo ti petrolyo.
Inyanunsyo ni President Ferdinand Marcos, Jr. ti panangipatumpal ti Department of Transportation iti service contracting program mangrugi inton Abril 15.
Iti sidung ti nasao a programa, mabayadan dagiti operator ken drivers iti P40 agingga P100 tunggal kilometro a tarayen dagiti luganda.
Sigun iti presidente, maadaan met iti diskwento dagiti commuter iti saan a bumaba iti 20 %.
Saklawen ti nasao a programa dagiti agarup 50,000 Public Utility Vehicles drivers, 1,000 operators, ken agarup 15 milyon a pasaeros iti entiro a pagilian.
Matutokan pay iti nasao a programa dagiti ruta a konektado iti tren ken kaunaan a bus routes tapno mapasayaat ti taray ti trapiko.
Maipatumpal ti nasao a programa kadagiti peak hours ken makabilan ti GPS monitoring dagiti lugan tapno masigurado ti naannayas ken aktwal a serbisyo. //bombokaren.c.s
