Nalpasen ti misyon ti Artemis II idi kalman, Abril 10 no sadino manamnama ti splashdown ti spacecraft dagitoy idiay Pacific Ocean asideg idiay San Diego, California.
Kalpasan iti agarup siyam nga aldaw idiay tangatang, maisinan ti Orion crew module a nagluganan dagiti astronaut manipud iti service module sakbay daytoy a bumaba iti Earth atmosphere.
Bayat iti panag-unegda iti Earth atmosphere, temporaryo a maputed ti komunikasyon kadakuada iti agarup innem a minutos gapu iti plasma a nangbalkot iti capsule dagitoy.
Apaman nga agsplashdown dagitoy, dagos nga agresponde iti United States Navy tapno alaen dagitoy ken maitulod uti medical bay iti dua nga oras.
Nainget ti panangmonitor ti NASA iti reentry dagitoy gapu iti nagbalin a pakaseknan iti heat shield ti naudi a misyon nga Artemis 1.
Gapu iti daytoy, tinarimaanda a nasayaat ti panagsagana iti panagsubli ti spacecraft tapno makissayan ti mariknada a pudot.
Sigun met iti NASA, kumpiyansada iti seguridad ti sistema. Impettengda a ti balligi a panagsubli ti Artemis 2 ket napateg nga addang para iti sumaruno pay a misyon paturong idiay bulan. //bombokaren.c.s
